संभाजी ब्रिगेडच्या वतीने बीड जिल्हाधिकारी कार्यालयासमोर विविध मागण्यांकरिता एकदिवसीय लक्षवेधी आंदोलन
बीड | प्रतिनिधी
संभाजी ब्रिगेड बीड जिल्ह्याच्या वतीने विविध मागण्यासाठी जिल्हाधिकारी कार्यालयासमोर एक दिवसीय लक्षवेधी आंदोलन घोषणाबाजी करून प्रशासनाचे लक्ष वेधून निदर्शने करण्यात आले.
सरकारने तात्काळ मराठा, धनगर आरक्षणाचा तिढा सोडवावा. जवळपास गेली तीस वर्षांपासून मराठा सेवा संघ, संभाजी ब्रिगेडच्या माध्यमातून मराठा व कुणबी एकच आहे म्हणून वेळोवेळी आंदोलने मोर्चे काढून शासन दरबारी मांडलेले आहे. शेतकरी आर्थिक दृष्टीने कमकुवत झाला असून राज्य सरकारने सरसकट कर्जमाफी करावी,दूधभेसळ रोखून दुधाला प्रतिलिटर ७० रुपये भाव देण्यात यावा, उसाला एफआरपीनुसार भाव द्यावा, यासह इतर मागण्यांसाठी संभाजी ब्रिगेडच्या वतीने जिल्हाधिकारी कार्यालयासमोर लक्षवेधी आंदोलन करण्यात आले.
यावेळी आंदोलनात संभाजी ब्रिगेडचे प्रदेश उपाध्यक्ष शरद भाऊ चव्हाण, विभागीय कार्यकारिणी सदस्य विजय दराडे,जिल्हा अध्यक्ष पश्चिम शशिकांत कन्हेरे, जिल्हा अध्यक्ष मध्य छत्रभुज देशमुख, पूर्व जिल्हाध्यक्ष राहुल खोडसे,गणेश मस्के संघमेश अंधळकर, योगेश्वर अंबाड, दुर्गेश जाधव, अशोक सोमवंशी, कमलाकर चव्हाण, तुकाराम नावडकर, गजानन अंबाड, भागवत खोडसे,अमोल गोरे, अमोल निकाळजे अशोक हंडीबाग तसेच शेकडो पदाधिकारी कार्यकर्ते आंदोलनात सहभागी झाले होते.
