छावा संघटनेचे प्रदेशाध्यक्ष विजय घाडगे यांच्यावर झालेल्या भ्याड हल्ल्याचा जाहीर निषेध : छावा मराठा संघटना बीड
केज | प्रतिनिधी
शेतकऱ्यांची बाजू मांडणाऱ्या छावा मराठा संघटनेचे प्रदेशाध्यक्ष विजय घाडगे यांच्यावर झालेल्या प्राणघातक हात्याच्या निषेधार्थ महाराष्ट्राचे मुख्यमंत्री मा.देवेंद्रजी फडणवीस साहेब यांना केज तहसीलदारांमार्फत दि.२२ जुलै रोजी निवेदन सादर करण्यात आले.
राज्य कृषी मंत्री माणिक कोकाटे हे विधान भवनांमध्ये ऑनलाईन जंगली रमी खेळत असल्याचे व्हिडिओ प्रसार माध्यमात प्रसारित झाले आहेत. त्याच्या निषेधार्थ विजय घाडगे यांनी लातूर येथे पत्रकार परिषेदेत राष्ट्रीवादी अजित पवार गटाचे प्रदेशाध्यक्ष सुनील तटकरे यांना शेतकरी हिताच्या सबंधीचे निवेदन देऊन शेतकरी कर्ज माफी, आत्महत्या, पिकविमा, हमीभाव, पिक नुकसान भरपाई, अनुदान इत्यादि विषयाचे निवेदन छावा प्रदेशाध्यक्ष विजय घाडगे यांनी शेतकरी सन्मानार्थ प्रश्न विचारण्याच्या कारणावरून त्यांना राष्ट्रवादी अजित पवार गटाच्या गुंडशाही प्रवृत्तीच्या गुंडांनी प्राणघातक हल्ला करून जीवे मारण्याचा प्रयत्न केल्याने त्यांची प्रकृती चिंताजनक असून सर्व स्तरातून याचा जाहीर निषेध व्यक्त केला जात आहे.
सबंधित निवेदनावर छावा संघटनेचे बीड जिल्हा अध्यक्ष शिवाजीदादा ठोंबरे, योगेश्वर अंबाड, रामहरी कोल्हे, दिगंबर नाना तपसे, ओम सपाटे, सुनील कागदे व प्रवीण पवार इत्यादींच्या स्वाक्षऱ्या आहेत.
तरी विजयकुमार घाडगे यांच्या जिवितास काही धोका झाल्यास सर्वस्वी प्रशासन व सरकार जबाबदार राहील. त्याचप्रमाणे प्रशासनाने तात्काळ दखल न घेतल्यास संविधानिक पद्धतीने, लोकशाही मार्गाने तीव्र आंदोलन करण्यात येईल असे सबंधित निवेदनात नमूद करण्यात आलेले आहे.
