आदर्श ग्रा.पं.कोल्हेवाडी येथे ७७ वा प्रजासत्ताक दिन उत्साहात साजरा.
केज / प्रतिनिधी :- दि.२६ जानेवारी रोजी केज तालुक्यातील कोल्हेवाडी येथे प्रजासत्ताक दिन मोठ्या उत्साहात व देशभक्तीपूर्ण वातावरणात साजरा करण्यात आला. सर्वप्रथम ग्रामपंचायत कार्यालय कोल्हेवाडी येथे ध्वजारोहण मोठ्या उत्साहात संपन्न झाला. जि.प.प्रा. शाळा कोल्हेवाडी,जि. प. प्रा. शाळा मिसाळ वस्ती, जि.प.प्रा.शाळा डांगे वस्ती व शहीद जवान उमेश मिसाळ स्मारक येथे ध्वजारोहण पार पडले.
शाळेतील विद्यार्थ्यांनी विविध कलागुणांचे सादरीकरण करून उपस्थित प्रमुख पाहुणे व मान्यवराची,मने जिंकली. त्यांच्या सादरीकरणाचे सर्व स्तरातून कौतुक करण्यात आले.
ग्रामपंचायत कार्यालय, कोल्हेवाडी येथे गावच्या प्रथम नागरिक कर्तव्यदक्ष महिला सरपंच सौ. प्रेमला नंदकुमार मिसाळ यांच्या शुभहस्ते ध्वजारोहण संपन्न झाले. शहीद जवान उमेश मिसाळ स्मारक येथे कर्तव्यदक्ष पोलीस शिपाई पोपट मिसाळ यांच्या हस्ते ध्वजारोहण करण्यात आले.
यावेळी ग्रामपंचायत अधिकारी, सरपंच उपसरपंच, सदस्य,शालेय विद्यार्थी, अंगणवाडी कर्मचारी, ग्रामपंचायत कर्मचारी, पदाधिकारी व ग्रामस्थ मोठ्या संख्येने उपस्थित होते.
एकूणच कोल्हेवाडी गावात ७७ वा प्रजासत्ताक दिन मोठ्या उत्साहाने व विद्यार्थ्यांच्या विविध कला गुणांनी, देशभक्तीपर सुमधुर गीतांनी प्रेरणादायी वातावरणात साजरा झाला.
या उत्साहात मोठ्या संख्येने सहभागी झाल्याबद्दल, सर्वांचे, ग्रामपंचायत,शाळा व विविध संस्थांच्या वतीने आभार व्यक्त करण्यात आले.
