पर्यावरण वाचवा – झाडे लावा!
केज येथे “वृक्षारोपण उपक्रम”
केज प्रतिनिधी
संघर्ष विकास समिती केज, रोटरी क्लब, दिलासा सामाजिक संस्था केज यांच्यातर्फे केज शहरातील मेन रोडच्या कडेला वृक्षारोपण करण्यात आले.
पर्यावरण रक्षणाची गरज आज अत्यंत महत्वाची बनली आहे. वाढते प्रदूषण, कमी होत चाललेली हरितक्षेत्रे आणि हवामान बदल यावर उपाय म्हणून आपण सर्वांनी एक पाऊल पुढे टाकण्याची ही वेळ आहे. असे मत मा. हनुमंत भोसले सर यांनी व्यक्त केले.
रोटरी क्लब केजचे अध्यक्ष मा. प्रवीण देशपांडे साहेब, दिलासा सामाजिक संस्थेच्या अध्यक्षा तथा सामाजिक कार्यकर्त्या ज्योतीताई सांबरे यांनी यावेळी झाडे जगली पाहिजेत यासाठी पुढाकार घेतला.
यामाध्यमातून सर्व जनतेला आवाहन करण्यात आले की आपण सर्वांनी या उपक्रमात उत्स्फूर्तपणे सहभागी होऊन “एक नागरिक – एक झाड” हे संकल्प व्रत स्वीकारावे असा संदेश देण्यात आला.
सकाळी ०९:०० वाजता ०१ जुलै २०२५ रोजी हनुमंत भोसले सरांचा जन्मदिवस असल्या कारणाची या उपक्रमाची रंगत वाढली. यावेळी त्यांना शाल आणि झाड देऊन शुभेच्छा देण्यात आल्या.
यावेळी सत्यवान राऊत, बापूराव शिंगण, मुसळे, शरद थोरात, राठोड आदी उपस्थित होते.
