केज:~ तालुक्यातील बनसारोळा येथील युवा नेते राजपाल भैय्या अशोकराव काकडे यांची शनिवारी (दि.१९) रोजी भारतीय जनता पक्षाच्या युवा मोर्चाच्या मंडळ अध्यक्ष पदी निवड करण्यात आली. त्यांच्या निवडीबद्दल तालुक्यातील भारतीय जनता पक्षाच्या कार्यकर्त्यातून अभिनंदन केले जात आहे.
अंबाजोगाई शहरातील आमदार नमिता मुंदडा यांच्या अंबाजोगाई येथील निवासस्थानी भाजपा पदाधिकाऱ्यांच्या निवडी संदर्भात भाजपाचे जेष्ठ नेते नंदकिशोर मुंदडा, पनगेश्वर कारखान्याचे चेअरमन अक्षय मुंदडा, केज तालुकाध्यक्ष भगवान केदार यांच्या उपस्थितीत शनिवारी बैठक पार पडली. या बैठकीत राजपाल भैय्या काकडे यांना पक्षाच्या युवा मोर्चाच्या अध्यक्ष पदी निवड झाल्याचे नियुक्तीपत्र देण्यात आले. राज्याच्या पर्यावरण व पशूसंवर्धन मंत्री पंकजा मुंडे, माजी खासदार डॉ. प्रितम मुंडे व आमदार नमिता मुंदडा यांच्या नेतृत्वाखाली भाजप पक्षाचे विचार युवकात समजत शेवटच्या घटकांपर्यंत पोहचवून पक्ष संघटन वाढीसाठी प्रामाणिकपणे काम करणार असल्याचे राजपाल भैय्या काकडे यांनी सांगितले. त्यांच्या निवडीच तालुक्यातील भारतीय जनता पक्षाच्या कार्यकर्त्यातून अभिनंदन केले जात आहे.
